¨ ಆನಂದ
ರಫೇಲ್ ಯುದ್ಧ ವಿಮಾನ ಖರೀದಿ ಹಗರಣದ ಬಗ್ಗೆ ನಡೆಯುತ್ತಿರುವ ವಾದ ವಿವಾದಗಳ ಬಗ್ಗೆ ಕೇಳಿದಾಗ ಟೋನಿ ಡಿ’ಮೆಲ್ಲೋ ಬರೆದ ಈ ಎರಡು ಪುಟ್ಟ ಕಥೆಗಳು ನೆನಪಿಗೆ ಬಂದವು….
ವೈದ್ಯರು ಹಾಸಿಗೆ ಮೇಲೆ ನಿರ್ಜೀವದಂತೆ ಮಲಗಿದ್ದ ವ್ಯಕ್ತಿಯೆಡೆಗೆ ಬಾಗಿ ಪರೀಕ್ಷಿಸಿ. ಪಕ್ಕದಲ್ಲಿದ್ದ ರೋಗಿಯ ಹೆಂಡತಿಗೆ ಹೇಳಿದನು: "ಕ್ಷಮಿಸಿ ನಿಮ್ಮ ಪತಿ ಸತ್ತಿದ್ದಾರೆ". ಹಾಸಿಗೆಯಲ್ಲಿ ಮಲಗಿದ್ದ ವ್ಯಕ್ತಿ ಪ್ರತಿಭಟಿಸುತ್ತಾ ಕ್ಷೀಣ ಧ್ವನಿಯಲ್ಲಿ: "ಇಲ್ಲ ಇಲ್ಲಾ, ನಾನು ಇನ್ನೂ ಜೀವಂತವಾಗಿದ್ದೇನೆ." ಎಂದು ಹೇಳುತ್ತಿದ್ದಂತೆ, ಹಾಸಿಗೆಯ ಮೇಲೆ ಮಲಗಿದ್ದ ಗಂಡನನ್ನು ಗದರಿಸಿ ಹೆಂಡತಿ ಹೇಳುತ್ತಾಳೆ, "ಬಾಯಿ ಮುಚ್ಚಿ ನಿಮ್ಗಿಂತ ವೈದ್ಯರಿಗೆ ಚೆನ್ನಾಗಿ ಗೊತ್ತು."
----------
ಒಬ್ಬ ವ್ಯಕ್ತಿ ಕತ್ತೆಯನ್ನು ಬಾಡಿಗೆಗೆ ಕೇಳಲು ಮುಲ್ಲಾನ ಮನೆಗೆ ಬಂದ. ಮುಲ್ಲಾ ಹೇಳಿದ “ಇಲ್ಲ, ಕತ್ತೆಗಳನ್ನು ಆಗಲೇ ಇನ್ನೊಬ್ಬರಿಗೆ ಬಾಡಿಗೆಗೆ ಕೊಟ್ಟಿದ್ದೇನೆ... ಕತ್ತೆಯಿಲ್ಲ’ ಎಂದು ಹೇಳುತ್ತಿದಂತೆ ಮನೆಯ ಹಿಂದಿನ ಕೋಣೆಯಿಂದ ಕತ್ತೆ ಕೂಗುವ ಸದ್ದು ಕೇಳಿ... ವ್ಯಕ್ತಿ ಮುಲ್ಲಾನಿಗೆ “ಅಲ್ಲ ಕತ್ತೆಯಿಲ್ಲ ಅಂತ ಹೇಳುತ್ತಿದ್ದೀರಿ... ಆದರೆ ಕತ್ತೆ ಕೂಗುವ ಸದ್ದು ನಿಮ್ಮ ಕೊಟ್ಟಿಗೆಯಿಂದ ಕೇಳುತ್ತಿದೆಯಲ್ಲಾ!!!” ಎಂದಾಗ, ಮುಲ್ಲಾ “ನೀನು ನನ್ನ ಮಾತು ನಂಬ್ತಿಯೋ ಅಥವಾ ಕತ್ತೆ ಮಾತನ್ನು ನಂಬ್ತಿಯೋ?” ಎಂದು ಆ ವ್ಯಕ್ತಿಯನ್ನು ಗದರಿಸಿದನಂತೆ.
No comments:
Post a Comment