¨ ಡೇವಿಡ್ ಕುಮಾರ್
ಎಲೈ ಗಂಡೇ...
ಕೊಚ್ಚಿ ಹೋಗಲಿ ನಿನ್ನ ಹುಚ್ಚು ದಂಗೆಗಳು
ನನ್ನ ಋತುರಕ್ತದ ಕೆಂಪು ಹೊಳೆಯಲಿ
ಮುಟ್ಟು ಮುಟ್ಟೆಂದು ಅಟ್ಟುವಿರೋ ಎನ್ನ
ರಟ್ಟು ಮಾಡುವೆನು ನಿನ್ನ ಗುಟ್ಟುಗಳ
ಋತುಸ್ರಾವವು ಹೊಲಸಲ್ಲವೋ ಮೂಢ
ಅಂಡಾಣುಗಳ ಬ್ರಹ್ಮಾಂಡವಿದು !
ಮಾಸಕೊಮ್ಮೆ ಸ್ರವಿಸುವೆನು ಸ್ತ್ರೀಸಾರವ
ಹರಿಯುವುದು ಕ್ರಾಂತಿಯ ಕೆಂಪು ಝರಿ !
ಓ ಅಲ್ಲಾ...
ಕಪ್ಪುಮಸಿ ವೇಷವ ತೊಡಿಸಿ
ಮಸೀದಿಯಿಂದ ಬಹಿಷ್ಕರಿಸಿ
ತಲ್ಲಾಕು ತಲವಾರುಗಳ
ನೋವು ತರಹೇವಾರುಗಳು
ಓ ಕ್ರಿಸ್ತ...
ನೀನೇನೋ ಶಿಲುಬೆಯಿಂದ ಇಳಿದೆ
ನಾನೋ... ನೇತಾಡುತ್ತಿರುವೆ
ಪುರುಷ ಪ್ರಧಾನ ಕ್ರೂಝೆಯಲಿ
“ದೇವರ ದಾಸಿ” ಎಂಬ ಫಲಕದಡಿಯಲಿ
No comments:
Post a Comment