ನಾ ಹುಡುಕದೆ ಹೋದಲ್ಲಿ ಅದು ನನ್ನದಾದೀತೆ
ನಾ ಹೊರದೆ ಹೋದಲ್ಲಿ ನನ್ನ ಗೆಲುವಾದೀತೆ
ಏನು ಇದರ ಮಾಯೆ, ಹೊತ್ತು ನಡೆವಲ್ಲಿ!
ಹಿಂದಿರುಗಲಾಗದು, ಅಕ್ಕಪಕ್ಕ ಸರಿಯಲಾಗದು
ಮುಗ್ಗರಿಸಿ ಬೀಳುವುದು ಮಾತ್ರ,
ಇದು ಹಾದಿಗೊಂದು ಶಿಲುಬೆ||
ನನಗಾಗಿ ಸಜ್ಜುಗೊಂಡಿತು, ನನಗಾಗಿ ಕಾದುನಿಂತಿತು
ಕರಾಳ ಕಾಲ ಕಳೆಯವ ತಮೋಹದ ಹಣತೆ
ನಾ ಹೊತ್ತರೇನೆ ಫಲ, ನನ್ನ ಜಡಿದರೇನೆ ನೆಲ
ಸಾಗುಹುದು ಈ ಪಯಣ ತಿಳಿಯದ ಶಯನ
ಪರಾಸು ನಾನಲ್ಲ ಪುನರುತ್ಥಾನ ಮಾತ್ರ,
ಇದು ಹಾದಿಗೊಂದು ಶಿಲುಬೆ||
ಧನವಲ್ಲ, ಬಲವಲ್ಲ, ಶಕ್ತಿಯಿಂದಲೂ ಅಲ್ಲ,
ಹೊರಲಾಗದು ಈ ಪ್ರೀತಿಯ ಗೌಳ
ಗ್ರಹಗತಿಗಳು ನಿಂತು ಹೋಗುವುವು, ನಾನು ಹೊರುವುದು ನಿಂತರೆ
ರಕ್ತಬೆವರ ಕ್ಲಿನ್ನನಾದೆ ಹೊತ್ತುಸಾಗಲು,
ಮತ್ತಾವತ್ತು ಠೇವಣಿಸದಿರು ನನ್ನ, ಮುವತ್ತು ಬೆಳ್ಳಿಗೆ!
ಹೊರುತ್ತಿರುವೆ ಇನ್ನು
ಇದು ಹಾದಿಗೊಂದು ಶಿಲುಬೆ ||
ನವೀನ್ ಮಿತ್ರ
No comments:
Post a Comment