ಮತಗಟ್ಟೆಯ ಮಸಿ

ಡೇವಿಡ್ ಕುಮಾರ್. ಎ. 

ಮತಗಟ್ಟೆಯ ಕಪ್ಪು ಮಸಿಯು 

ಬೆರಳ ತುದಿಯ ನೆಕ್ಕಿದೆ 

ಕನಸ ’ಗುಂಡಿ’ ಒತ್ತಿ ಬಂದ 

ಭ್ರಮನಿರಸನ ನಗೆಯಲಿ 

ನಿರಂಕುಶ ಕಪಿಮುಷ್ಠಿಯು 

ಜನರ ಕೊರಳು ಹಿಸುಕಿದೆ 

ಕೋಮು ವಿಷದ ಘಟಸರ್ಪವು 

ಬೆರಳ ತುದಿಯ ಕಚ್ಚಿದೆ ! 

ಜನಾಧಿಕಾರ ಕೋಟೆಯೊಳಗೆ 

ಸರ್ವಾಧಿಕಾರ ನುಸುಳಿದೆ 

ಪ್ರಜಾತತ್ವ ಹೆಬ್ಬಾಗಿಲಿಗೆ 

ಮಸಿಯ ರಾಶಿ ಸುರಿದಿದೆ 

ಕೊರಳಿಗಿರದ ಸ್ವಾತಂತ್ರ್ಯವು 

ಬೆರಳ ತುದಿಗೆ ಬರುವುದೇ ? 

ಮರುಳು, ಮೋಡಿ ಕಾಡಿನಲಿ 

ಉರುಳು ಬಿಗಿದ ನವಿಲುಗಳು !