ನಿನ್ನ ಮಾರಾಟ ಮಾಡಿದ್ದು
ಜೂದಾಸ್ ಮಾತ್ರವಲ್ಲ
ನಾನು ಕೂಡ
ನನ್ನ ವಿಶ್ವಾಸವನ್ನು
ಪ್ರೀತಿಯನ್ನು
ಸಂಬಂಧಗಳನ್ನು
ತತ್ವ ನಿಲ್ಲುವುಗಳನ್ನು
ಮೌಲ್ಯಗಳನ್ನು
ಲೌಕಿಕ ಲಾಭಕ್ಕೆ ಆಗಾಗ
ಮಾರಾಟ ಮಾಡುತ್ತಿರುತ್ತೇನೆ…
-------
ಕತ್ತಲೆಯು ಮನಸ್ಸನ್ನು
ಆವರಿಸಿಕೊಂಡಾಗ
ಸತ್ಯವು ಕಾಣದಾಗದು…
---------
ಒಬ್ಬ ರಾಜಾಸನದಿಂದ
ಅಧಿಕಾರ ಮಾಡಲು
ಹಾತೊರೆದರೆ
ಇನ್ನೊಬ್ಬ
ಶಿಲುಬೆ ಮರದಲ್ಲಿ ತೂಗಾಡುತ್ತಾ
ಜನರನ್ನು ಪ್ರೀತಿಸಲು ಕಲಿಸಿದ
----------
ಅವಮಾನದ ಶಿಲುಬೆ ಮರ
ಕ್ರಿಸ್ತನ ಪ್ರೀತಿಯ ರಕ್ತದಿಂದ
ರಕ್ಷಣೆಯ ಮೂಲವಾಯಿತ್ತು
----------
ಪೇತ್ರನಲ್ಲಿ ಭಯ
ಜೂದಾಸ್ನಲ್ಲಿ ಕ್ರೌರ್ಯ
ಪಿಲಾತನಲ್ಲಿ ಅಧಿಕಾರ ದಾಹ
ಯಾಜಕರಲ್ಲಿ ದ್ವೇಷ, ತಳಮಳ
ಇವುಗಳೆನ್ನೆಲ್ಲಾ ನುಂಗಿಬಿಡುವ ಕ್ರಿಸ್ತನಲ್ಲಿ
ಇದುದ್ದು ಪ್ರೀತಿ ಮಾತ್ರ
No comments:
Post a Comment