ಗೀತಾಂಜಲಿಯ ತುಣುಕು

ನೀ ಹೇಗೆ ಹಾಡುವೆಯೋ ನಾನರಿಯೆ ಗುರುವೇ!

ಮೌನ ಸೋಜಿಗದಿ ನಾನದಕೆ ಕಿವಿಯಾಗುವೆ.

ನಿನ್ನ ರಾಗವದು ಜಗವ ಬೆಳಗುತಿಹುದು.

ಆ ಗಾನದ ಜೀವದುಸಿರು ಗಗನದಿಂ ಗಗನಕೆ ನೆಗೆಯುತಿಹುದು.

ನಿನ್ನ ಹಾಡೆಂಬ ಪವಿತ್ರ ಝರಿಯು

ಬಂಡೆಗಳನೆಲ್ಲ ಕೊರೆದು ಮುನ್ನುಗ್ಗುತಿಹುದು.

ನಿನ್ನ ನಾದದಲಿ ಬೆರೆಯಲು ನನ್ನಾತ್ಮ ಹಾತೊರೆದರೂ,

ಸ್ವರವೆತ್ತಲು ತಿಣುಕಿ ಸೋಲುತಿಹೆ.

ಬಾಯ್ದೆರೆವೆನಾದರೂ ಮಾತು ಹಾಡಾಗದೆ ಗೊಂದಲದಿಕಿರುಲುತಿಹೆ.

ಅಯ್ಯೋ!ಸ್ವಾಮೀ!ನಿನ್ನ ಗೀತೆಯ ಕೊನೆಯಿರದ ಜಾಲಂದ್ರದೊಳೆನ್ನ

ಗುಂಡಿಗೆಯ ಬಂಧಿಯಾಗಿಸಿಹೆ.


· ಅನುವಾದ: ಸಿ ಮರಿಜೋಸೆಫ್