ಚುನಾವಣೆ - ಡೇವಿಡ್ ಕುಮಾರ್ .ಎ.

ಖಾಲಿ ಹೊಟ್ಟೆಯ ಮತ ಪೆಟ್ಟಿಗೆಗಳು

ಸಾಲು ಸಾಲಲಿನಿಂತಿವೆ

ಮತ್ತೊಮ್ಮೆ ಬಸುರಾಗಲು

ಹೊಸ ನಾಯಕನ ಹಡೆಯಲು !

ದಂಡು ದಂಡಲಿ ದೌಡಾಯಿಸಿವೆ

ಅಭ್ಯರ್ಥಿ ಕುದುರೆಗಳು

ದಾರಿ ಇಲ್ಲದ ದೇಶದಲಿ

ನಾ ಮುಂದು ತಾ ಮುಂದು !

ಪಕ್ಷಗಳ ಚಿಹ್ನೆಗಳು

ಮಿರಮಿರನೆ ಮಿಂಚಿವೆ

ನಿರೀಕ್ಷೆಯ ನೀಲಾಕಾಶದಿ

ಕುಸುಮಗಳ ಅರಳಿಸಿ

ಮತದಾರ ಪ್ರಭುಗಳೇ...

ನಿಮ್ಮೆದೆಯ ಗುಂಡಿಯ ಒತ್ತಿ

ಗುಂಡು ತುಂಡುಗಳ ಧಿಕ್ಕರಿಸಿ

ಮನೆ ಹಿತ್ತಿಲ ಕುಂಬಳ ಬಳ್ಳಿಯಲೂ

ಹುಟ್ಟಿ ಬರಲಿಹೊಸ ಸೂರ್ಯ !

————