ಗೀತಾಂಜಲಿಯ ತುಣುಕು - ಜೀವದ ಜೀವವೇ, ನಿನ್ನ ಜೀವಸ್ಪರ್ಶವಿಹುದೆನ್ನ ಅಂಗಾಂಗಗಳ ಮೇಲೆ

ಜೀವದ ಜೀವವೇ, ನಿನ್ನ ಜೀವಸ್ಪರ್ಶವಿಹುದೆನ್ನ ಅಂಗಾಂಗಗಳ ಮೇಲೆ

ಅದಕಾಗಿ ತನುವೆನ್ನ ಮಡಿಯಿರಲೆಂದು ತುಡಿಯುವೆ ನಾ ಸದಾ.

 

ನನ್ನೆಲ್ಲ ಯೋಚನೆಗಳಿಂದ ಅಸತ್ಯಗಳು ಹೊರಗುಳಿಯಲಿ, ಏಕೆನೆ

ನನ್ನಂತರಂಗದ ಜೀವಜ್ಯೋತಿಯ ಹೊತ್ತಿಸಿದ ಸತ್ಯ ನೀನೇ

 

ನನ್ನೊಳಗಿನ ಕೆಡುಕೆಲ್ಲ ತೊಲಗಲಿ ದೂರ, ನನ್ನೊಲವಿರಲಿ ಕುಸುಮದೊಳು,

ಏಕೆನೆ ನೀ ಆಸೀನನಾಗಿಹೆ ನನ್ನಂತರಾತ್ಮದ ಗರ್ಭಗುಡಿಯೊಳು.

 

ನನ್ನ ಕ್ರಿಯೆಗಳಲಿ ನಿನ್ನನೇ ಅಭಿವ್ಯಕ್ತಿಸುವ ನೈಜ ಯತ್ನವೆನದು,

ಏಕೆನೆ ನನ್ನೆಲ್ಲ ಕ್ರಿಯೆಯ ಮರೆಯ ಪರಮಶಕ್ತಿ ನೀನೇ ಅಹುದು.

(ಟ್ಯಾಗೋರರ  Life of my life, I shall   ever try to keep my body pure ಕವನದ ಭಾವಾನುವಾದ: ಸಿ ಮರಿಜೋಸೆಫ್)