ಗೀತಾಂಜಲಿಯ ತುಣುಕು - ಸಿ ಮರಿ ಜೋಸೆಫ್

ಬೆಳ್ಳಂಬೆಳಗ್ಗೆಯೇ ಪಿಸುದನಿಯೊಂದುಲಿಯಿತು, ನಾನೂ ನೀನೂ ಇಬ್ಬರೇ, ದೋಣಿಯಲ್ಲಿ ಕುಳಿತು ಗೊತ್ತಿಲ್ಲದ ನಾಡಿಗೆ ಕೊನೆಯಿಲ್ಲದ ಯಾತ್ರೆಗೆ ಹೊರಡಬೇಕೆಂದು, ಜಗದ ಯಾವ ಜೀವಿಗೂ ಅದು ಗೊತ್ತಾಗಬಾರದೆಂದು.

ತೀರವಿರದ ಸಾಗರದಲ್ಲಿ, ನಿನ್ನ ಮಂದಹಾಸದ ಕೇಳುವಿಕೆಯಲ್ಲಿ, ನನ್ನ ಗಾನವದು ಇಂಚರದಲ್ಲಿ ಉಬ್ಬುವುದು, ಅಲೆಗಳೋಪಾದಿ ನಿರರ್ಗಳವಾಗಿ.

ಗಳಿಗೆಯಿನ್ನೂ ಬಂದಿಲ್ಲವೇ? ಕೆಲಸವಿನ್ನೂ ಉಳಿದಿದೆಯೇ? ನೋಡಲ್ಲಿ, ದಂಡೆಯಲ್ಲಿ ಸಂಜೆಯದು ಇಳಿದಿಹುದು, ಸಮುದ್ರವಕ್ಕಿಗಳು ಗೂಡರಸಿ ಹಾರುತಿವೆ ಬೈಗಿನಲಿ.

ಯಾರಿಗೆ ಗೊತ್ತು ಸಂಕೋಲೆಗಳು ಬಿರಿಯುವುದು ಯಾವಾಗೆಂದು, ಮತ್ತು ಆ ದೋಣಿ,

ಮುಳುಗು ಸೂರ್ಯನ ಕೊನೆಯ ಪ್ರಭೆಯಂತೆ, ನಿಶೆಯಲಿ ಮರೆಯಾಗುವುದೆಂದು?

ಟ್ಯಾಗೋರರ Early in the day it was whispered.... ಕವಿತೆಯ ಭಾವಾನುವಾದ.

-೦-೦-೦-೦-